प्रधानमन्त्री बालेन्द्र (बालेन) शाहले संयुक्त राष्ट्रसंघको ८१औँ महासभालाई सम्बोधन गर्दै जलवायु परिवर्तनका कारण नेपालजस्ता मुलुकले भोगिरहेको क्षति र जोखिमबारे विश्व समुदायको ध्यानाकर्षण गराएका छन्। उनले जलवायु न्याय व्यवहारमै कार्यान्वयन गर्न तथा हिमालय क्षेत्रको संरक्षणका लागि सहकार्य बढाउन आग्रह गरेका छन्।

निरन्तरको वर्षाका कारण काठमाडौँको टेकु कालोपुल क्षेत्रस्थित कोरिडोरको सडक डुबानमा परेको छ। नदीमा पानीको बहाव बढेपछि सडक जलमग्न हुँदा आवतजावत प्रभावित भएको छ।

रास्वपाका सांसद ज्ञानेन्द्रसिंह महताले आकस्मिक स्वास्थ्य समस्या परेका बिरामीको उद्धारमा देखिएको कानुनी जटिलता तत्काल हटाउन सरकारसँग माग गरेका छन्। उनले आफ्नै परिवारका सदस्यको उपचारका क्रममा भोगेको समस्या प्रतिनिधिसभामा सुनाएका हुन्।

देशभर अधिकांश स्थानमा बदली रहने तथा विभिन्न प्रदेशमा मेघगर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ। कोशी, बागमती, गण्डकी र लुम्बिनीका केही स्थानमा भारीदेखि धेरै भारी वर्षा हुनसक्ने भएकाले सतर्कता अपनाउन आग्रह गरिएको छ।

जलवायु सङ्कटविरुद्ध अब कुरा होइन, ठोस कार्यान्वयन आवश्यक : परराष्ट्रमन्त्री

भोटेकोशी बाढीपछि बेपत्ता भएका जलविद्युत् आयोजनाका कर्मचारीको खोजी कार्य जारी रहेको ऊर्जा, जलस्रोत तथा सिँचाइमन्त्री विराजभक्त श्रेष्ठले बताएका छन्।

नेपाल राष्ट्र बैंकले आर्थिक वर्ष २०८२/८३ को चौथो त्रयमासमा छ वटा ‘घ’ वर्गका लघुवित्त वित्तीय संस्था तथा तिनका सञ्चालक, पदाधिकारी र प्रमुख कार्यकारी अधिकृतमाथि कारबाही गरेको जनाएको छ।

नेपाल विद्युत् प्राधिकरणका पूर्वकार्यकारी निर्देशक हितेन्द्रदेव शाक्यले साबिकको पदमा बहाल गर्न माग गर्दै दायर गरेको रिटमा सर्वोच्च अदालतमा सुनुवाइ सुरु भएको छ। सरकारले ल्याएको अध्यादेशका कारण उनी दोस्रो पटक पदमुक्त भएका थिए।

चिनियाँ राष्ट्रपति सी जिनपिङ सेप्टेम्बर २३ देखि २५ सम्म अमेरिकाको भ्रमणमा छन्। भ्रमणका क्रममा चीन र अमेरिकाबीच रणनीतिक स्थिरता कायम गर्ने तथा विभिन्न क्षेत्रमा सहकार्य विस्तार गर्ने विषयमा छलफल हुने अपेक्षा गरिएको छ।

अमेरिकी सेनाले क्यारिबियन सागरमा लागुऔषध तस्करीमा प्रयोग भएको आशंका गरिएको डुङ्गामाथि आक्रमण गर्दा चार जनाको मृत्यु भएको छ। अमेरिकी सेनाले डुङ्गा लागुऔषध तस्करीमा संलग्न रहेको दाबी गरेको छ।

अमेरिकी राष्ट्रपति डोनाल्ड ट्रम्प प्रशासनले इजरायललाई करिब २ अर्ब ८० करोड अमेरिकी डलर बराबरको हतियार बिक्री गर्ने तयारी गरेको छ। प्रस्तावित सम्झौतामा दुई हजार पाउन्ड तौलका करिब ४० हजार शक्तिशाली बम समावेश छ

अमेरिका, दक्षिण कोरिया र जापानले संयुक्त सैन्य अभ्यास सुरु गरेकै दिन उत्तर कोरियाले करिब पाँच हजार टन क्षमताको दोस्रो अत्याधुनिक नौसैनिक विध्वंसक ‘काङ कोन’ सेवामा प्रवेश गराएको छ। नेता किम जोङ उनले समुद्री रक्षा र युद्ध प्रतिरोधका लागि आणविक क्षमता थप बलियो बनाउने बताएका छन्।