काठमाडौं। आज विश्व मुस्कान दिवस (World Smile Day)। हरेक वर्ष अक्टोबर महिनाको पहिलो शुक्रबार संसारभर यो दिवस मनाइन्छ। यस अवसरमा सम्पूर्णमा हार्दिक शुभकामना, सधैं मुस्कुराइरहनुहोस्।
कसरी सुरु भयो?
पहेंलो ‘स्माइली फेस’ का सर्जक अमेरिकी कलाकार हार्भे बलले यो दिवसको अवधारणा अघि सारेका थिए। उनले सन् १९६३ मा स्माइली फेस बनाएका थिए। वर्षमा कम्तीमा एक दिन मुस्कान र दयालु व्यवहारलाई समर्पित गर्नुपर्छ भन्ने उनको सोचअनुसार सन् १९९९ देखि यो दिवस मनाउन थालिएको हो।
दिवसको सन्देश
यो दिवसको मूल सन्देश सरल छ: दयाको एउटा काम गर्नुहोस्, एक जनालाई मुस्कुराउन सघाउनुहोस्। मुस्कानको कुनै भाषा, धर्म वा सीमा हुँदैन। एउटा सानो मुस्कानले तनाव कम गर्न, सम्बन्ध न्यानो बनाउन र वरपरको वातावरण सकारात्मक बनाउन सघाउँछ।
(0)
टिप्पणी गर्न लगइन गर्नुहोस्