दक्षिण भारतीय सुपरस्टार Rajinikanth रजनीकान्तले तमिलनाडुमा सरकार गठनसम्बन्धी चर्चामा आफ्नो नाम जोडिएको विषयप्रति सार्वजनिक रूपमा असन्तुष्टि जनाउँदै आफू कुनै पनि “तल्लो स्तरको राजनीति” मा संलग्न नहुने स्पष्ट पारेका छन्।
हालै तमिलनाडुमा आएको विभाजित जनमतपछि नयाँ मुख्यमन्त्री C Joseph Vijay सी जोसेफ विजयलाई सत्तामा जान नदिन DMK द्रविड मुनेत्र कषगम र AIADMK अन्ना द्रविड मुनेत्र कषगमबीच सम्भावित सहकार्यबारे चर्चा चलेको थियो। सो चर्चामा रजनीकान्तको समेत संलग्नता रहेको अड्कलबाजीपछि उनले आइतबार स्पष्ट प्रतिक्रिया दिएका हुन्।
रजनीकान्तले चुनावी परिणामपछि M K Stalin एम के स्टालिनलाई भेट्न गएको विषयलाई लिएर आलोचना भएको बताए। उनले भने, “स्टालिन विगत ३० वर्षदेखि मेरा मित्र हुन्। उनको हारले मलाई दुःखी बनायो, त्यसैले साथीको नाताले म उनलाई भेट्न गएको थिएँ।”
तर त्यसपछि आफू सरकार गठनसम्बन्धी गोप्य छलफलमा सहभागी भएको भन्ने समाचार फैलिनु आफूलाई दुःखद लागेको उनले बताए।
उनले स्पष्ट शब्दमा भने, “दुई पार्टी मिलेर सरकार बनाउनेबारे छलफल भइरहेको र त्यसमा म पनि सहभागी रहेको भन्ने समाचार आयो। म स्पष्ट भन्न चाहन्छु— रजनीकान्त यस्तो तल्लो स्तरको राजनीति गर्ने व्यक्ति होइन।”
उनको यो स्पष्टिकरणपछि राजनीतिक अड्कलबाजीमा केही हदसम्म विराम लाग्ने अपेक्षा गरिएको छ।
(0)
टिप्पणी गर्न लगइन गर्नुहोस्