काठमाडौं – अमेरिकाले देश निकाला गरेका १०४ जना अवैध भारतीय आप्रवासी बोकेको विमान भारतको अमृतसरमा अवतरण भएको छ ।
बुधबार दिउँसो अमृतसरको श्री गुरु रामदास जी अन्तर्राष्ट्रिय विमानस्थलमा अमेरिकी सेनाको विमान अवतरण गरेको हो । विमान दिउँसो १ः५५ बजे अवतरण भएको बताइएको छ ।
आप्रवासीमध्ये पञ्जाबका ३०, हरियाणा र गुजरातका ३३र३३, महाराष्ट्र र उत्तर प्रदेशका तीनरतीन र चण्डीगढका दुई जना भएको बताइएको छ ।
निर्वासितहरूको संख्या अझै आधिकारिक रूपमा पुष्टि हुन नसकेको भन्दै अमर उजालाले आफ्नो समाचारमा भनेको छ । यसअघि आएका खबरहरूमा अमेरिकी सैन्य विमान सी–१७ मा २०५ अवैध भारतीय आप्रवासी सवार रहेको दाबी गरिएको थियो ।
अमेरिकी सरकारले देश निकाला गरेको अवैध भारतीय आप्रवासी यो पहिलो समूह थियो । पछिल्ला दुई हप्तामा, भारत बाहेक पनि अन्य धेरै देशका अवैध आप्रवासीहरूलाई अमेरिकाबाट डिपोर्ट गरिएको छ ।
COMMENT
.