काठमाडौं – भारतमा चलिरहेको महाकुम्भ मेलामा इन्दौरकी एक माला बेच्ने महिला आफ्नो सुन्दरताका कारण भाइरल भएकी छन् । मोनालिसा नाम उल्लेख गरिएकी ति महिला भारतको मध्य प्रदेशको इन्दौरकी हुन् ।
सामाजिक सञ्जालमा उनको तुलना मोनालिसासँग भइरहेको छ । मोनालिसा भाइरल हुनुको कारण उनको सुन्दर आँखा हो, जसले मानिसहरूको ध्यान आकर्षित गरिरहेको । उनले महाकुम्भ मेलामा सबै रुद्राक्ष र क्रिस्टल माला बेच्ने काम गर्थिन् । तर उनी अहिले आफ्नो घर इन्दौर फर्किसकेकी छिन् ।
भाइरल भएपछि फोटो खिच्न र अन्तर्वार्ता लिन दिनभर युट्युबर लगायतको भिड लागेपछि उनी त्यहाँबाट फर्किएकी हुन् । दैनिक भास्करसँगको कुराकानीमा उनले भाइरल भएपछि आफ्नो व्यपार चौपट भएको र भाडा समेत अरुलाई मागेर फर्किएको बताएकी छन् । महाकुम्भमा मोनालिसा बसेको टेन्टमा समेत मानिसहरु प्रवेश गरेपछि अवस्था तनाव ग्रस्त समेत बनेको थियो ।
मोनालिसा भाइरल भएपछि मानिसहरु उनको नाम, परिवार, पारिवारिक पृष्ठभूमि, जीवन आदि बारे जान्न उत्सुक छन् । उनी यति भाइरल भएकी छिन् कि अहिले उनलाई सिधै फिल्मको अफर समेत आएको छ ।
चलचित्र निर्माता सनोज मिश्रले आफ्नो आगामी चलचित्र द डायरी अफ मणिपुरमा मुख्य अभिनेत्रीको रुपमा काम गर्न उनलाई प्रस्ताव समेत गरेका छन् । मोनालिसा र उनको परिवारले यो फिल्म गर्न राजी भएका छन् । महाकुम्भ मेलामा रातरात भाइरल भइकी मोनालिसाको जिवन पनि अव परिपवर्तन हुने धेरैले अनुमान गरेका छन् ।
COMMENT
.