रफाह - इजरायलले सोमबार प्यालेस्टिनीहरूलाई उत्तरी गाजामा फर्कन अनुमति दिएको छ । विगत धेरै दिनदेखि घर फर्किन पर्खिरहेका प्यालेस्टिनीहरू सोमबार बिहान ७ बजेदेखि उत्तरी गाजामा फर्कन थालेका छन् । यो फिर्ती युद्धविराम सम्झौता अन्तर्गत भइरहेको बताइएको छ ।
यद्यपि, हमासले बन्धकहरूको रिहाइमा कथित अनियमितता गरेको आरोप लगाउँदै आइतबार इजरायलले उत्तरी गाजामा मानिसहरूलाई फर्कनबाट रोकेको थियो । तर पछि मध्यस्थता पछि यो मुद्दा समाधान भएको छ । सम्झौता अन्तर्गत हमासले यस हप्ता ६ जना इजरायली बन्धकहरूलाई रिहा गर्नेछ । यीमध्ये तीन जना बन्धकहरूलाई बिहीबार र तीन जनालाई शनिवार रिहा गरिने बताइएको छ ।
युद्ध विराम सम्झौता भएदेखि हमासले सात इजरायली बन्धकहरूलाई रिहा गरिसकेको छ । बदलामा इजरायलले आफ्नो जेलबाट ३०० भन्दा बढी प्यालेस्टिनीहरूलाई रिहा गरेको छ ।
COMMENT
.