काठमाडौं – काठमाडौं महानगरपालिकाका मेयर बालेन शाहले चीनलाई गत्तिलो झापड हिर्काएका छन् । कम बोल्ने तर काम धेरै गर्ने छवि बनाएका मेयर शाहले चीनलाई कहिल्यै नविर्सने गरि सबत सिकाएका हुन ।
बालेन राष्ट्रियताको मुद्धामा सधै अडिग रहँदै आएका छन् । उनले काम नगर्ने मन्त्री देखि प्रधानमन्त्रीसम्मलाई बेला बेला सबत सिकाउँदै आएका छन् । नेपालकी विभूति सिताको अपमान गरेको भन्दै फिल्म नै प्रतिबन्ध गर्ने देखि ग्रेटर नेपालको नक्सा आफ्नो कार्यकक्षमा राखेर भारतलाई हामी पनि कम छैनौं भन्ने सन्देश दिएका बालेनले चीनलाई पनि उसै गरी हौसियत देखाइदिएका छन् ।
नयाँ वर्षको कार्यक्रम ठमेलमा गर्न अनुमति माग्दै चिनियाँ दूतावासले गरेका प्रस्ताव बालेनले ठाडौ अस्वीकार गरेका छन् । ठमेलमा कार्यक्रम गर्दा ट्राफिक समस्या हुने भन्दै चिनलाई नयाँ वर्षको कार्यक्रम कलंकी देखि महाराजगञ्ज सम्मको चक्रपथका गर्न अुनमति दिएका छन् । जुन चीनीयाँ कम्पनीले बर्सौ देखि अलपत्र पार्दै आइरहेको छ । चक्रपथ विस्तारको काम वर्षौ सम्म पनि नहुँदा नागरिकहरुले सास्ती भोग्दै आइरहेका छन् ।
चिनियाँ दूतवासका डपुटी चिफ अफ मिसन वाङ सिनले एकसाता अघि काठमाडौं महानगरलाई पत्र लेख्दै २०२५ को स्प्रिङ फेस्टिबल र तामाङ नयाँ वर्षको अवसरमा जनवरी २६ देखि फेब्रुअरी २५ सम्म ठमेलमा कार्यक्रम गर्न अनुमति मागेका थिए । पत्रमा काठमाडौं महानगरपालिकालाई सह–आयोजक बस्न समेत प्रस्ताव गरिएको थियो ।
लगत्तै नेपाल ओभरसिज चाइनिज एशोसिएसनले पनि यो अवधिका लागि काठमाडौंको रत्नपार्कमा समेत निःशुल्क स्थान उपलब्ध गराइदिन महानगरलाई पत्र लेखेको थियो । पत्रमा बिजुली, यातायात र पार्किङका लागि सहजीकरण गरिदिन भनिएको थियो ।
तर, काठमाडौं महानगरले ट्राफिक व्यवस्थापनको चुनौति र अस्तव्यस्तताको कारण उल्लेख गर्दै ठमेलको साटो चक्रपथ क्षेत्रको कलंकीदेखि महाराजगञ्जसम्म कार्यक्रम गर्न भन्दै जवाफ पठाएको छ । पत्रमा महानगरले ‘विभिन्न निकायसँगको सहकार्यमा काठमाडौंको पर्यटन प्रवर्द्धन गर्ने हिसाबले २०२५ स्प्रिङ फेस्टिबल र तामाङ नयाँ वर्ष ल्यान्टिन शो आयोजना गर्न लागेकामा’ धन्यवाद दिँदै स्थान परिवर्तन गरेर अन्यत्र कार्यक्रम गर्न सुझाएको छ ।
अघिल्ला वर्षहरुमा पनि चिनियाँ दूतावास आयोजक भएर गरिने यो कार्यक्रममा काठमाडौं महानगरपालिका सहआयोजक हुने गरेको थियो । तर, यसपटक अनुमति नदिनुका पछाडि बाहिरी चक्रपथ क्षेत्रको सडक विस्तारमा चिनियाँ कम्पनीले गरेको ढिलासुस्ती कारण रहेको मेयर बालेन शाहको सचिवालय स्रोतले जनाएको छ ।
पत्रमा भनिएको छ सम्भावित यातायात जाम र अव्यवस्थाको कारण, काठमाडौं महानगर कार्यालयले कार्यक्रम सहज रूपमा सम्पन्न गर्न कलंकीमहाराजगंज सेगमेन्टमा आयोजना गर्न सुझाव दिन चाहन्छ। काठमाडौं शहरले पारस्परिक सहयोग, सहकार्य र समन्वयमा विश्वास गर्दछ । काठमाडौंमा पर्यटनलाई बढावा दिन दिएको चासोको लागि आभार व्यक्त गरिएको छ ।
COMMENT
.