काठमाडौं – पूर्वप्रधानमन्त्री तथा नेकपा माओवादी केन्द्रका अध्यक्ष पुष्प कमल दाहाल प्रचण्डले वर्तमान सरकारको आयु धेरै नभएको प्रतिक्रिया दिएका छन् । गलबार चितवनमा सञ्चारकर्मीसँग कुरा गर्दै ओली सरकारको भविष्यवाणी गरेका हुन् ।
प्रमुख प्रतिपक्ष दलका नेता समेत रहेका प्रचण्डले कांग्रेसका पूर्वमहामन्त्री डा शशांक कोइराला, नेता डा चन्द्र भण्डारीलाई दायाँबायाँ राखेर यो सरकार धेरै दिन नटिक्ने दाबी गरेका हुन् । ‘यो सरकार धेरै जान्छ भन्ने हामीलाई लाग्दैन । मैले प्रस्ट भन्ने गरेको छु । यो प्राकृतिक छैन । स्वाभाविक छैन । पारदर्शी छैन । सरकारले गरेका कामहरू पनि उल्टापाल्टा हुँदै गएका छन् । अध्यादेशसम्म आउँदा लाजमर्दो भएको छ,’ उनले भनेका थिए । प्रचण्डले यसोभन्दा कांग्रेस नेता भण्डारी मुसुमुसु हासिँरहेका थिए ।
यस्तै नेता कोइरालाले पनि सरकार ढल्न सक्ने सङ्केत गरे । राजनीतिमा सरकार तलमाथि हुनुलाई स्वाभाविक हुने उनको तर्क थियो । ‘दुई ठुलो दल मिलेर स्टेबल सरकार दिने हाम्रो चाहना थियो । त्यसैले सरकार तलमाथि हुने सम्भावना कम छ । तर नहुने होइन राजनीति हो जे पनि हुन सक्छ’, उनले भने ।
COMMENT
.