काठमाडौं – नेकपा एमालेबाट निस्काशित डा भीम रावल अहिले नयाँ पार्टी खोल्नका लागि देश व्यापी अभियान चलाइरहेका छन् ।
पूर्वका केही जिल्ला पछि पश्चिममा केन्द्रित भएका भीम रावलले काठमाडौंका मेयर बालेन शाहसँग सहकार्य गर्ने इच्छा राखेका छन् । धनगढी पुगेका रावले आफू नयाँसँग सहकार्य गर्न तयार रहेको बताउँदै बालेनसँग पनि छलफल गर्ने बताएका हुन् ।
मातृभूमि जागरण अभियान लिएर देशव्यापी अभियानमा निस्किएका रावलले आफूले नयाँ पार्टीको नेतृत्व गर्नै पर्छ भन्ने नभएको बताउँदै नयाँ पार्टीको नेतृत्व नयाँ पुस्ताले नै गर्दा उपयुक्त हुने धारणा राखे । आफूहरूले राष्ट्रहितलाई केन्द्रमा राख्ने सबैलाई समेटेर अघि बढ्ने उनको भनाइ छ ।
‘यो देशको हित चाहने, अहिलेको अवस्थामा देश भएन । अहिले ठूला राजनीतिक दलहरू भागबन्डामा केन्द्रित भएका छन् । त्यसैले राष्ट्रसहितमा अगाडि बढ्ने बालेनजी हुनुहुन्छ कि जोजो हुनुहुन्छ, ती सबलाई एकजुट गरेर राष्ट्रको हितमा अगाडि बढ्छौं ।’उनले भने ।
उनले एमालेले आफूलाई राजावादीसँग साँठगाँठ गर्यो भन्नुभन्दा पनि आफ्नो पार्टीमा कस्ताकस्ता मान्छे छन् हेर्न सुझाव दिए । यता बालेन निकट स्रोतले भने उनी तत्लका कुनै राजनीतिक पार्टीमा जाने वा खोल्ने योजनामा नभएको जानकारी दियो ।
COMMENT
.