काठमाडौं – गायिका एलिना चौहानको वैवाहिक सम्बन्धको विषयमा सामाजिक सञ्जालमा विभिन्न समाचारहरु बाहिर आएपछि प्रतिक्रिया दिएकी छन् । वैवाहिक जीवनमा दरार आएको भन्ने चर्चाले अहिले सामाजिक सञ्जाल तातेको देखिन्छ ।
वैशाख ५ गते उनले बागलुङका विष्णु सापकोटासँग धुमधामले विवाह गरेकी थिइन् । त्यसको एक वर्ष नबित्दै उनले विवाह सम्बन्धबारेका प्रश्नको सामना गरिरहेकी छिन् ।एलिना ओशोमार्गी बनेको बेलादेखि नै उनको यो कुराले चर्चा पाएको हो । तर यतिबेला केही दिनअघि गायिका ज्योति मगरको फेसबुक स्टाटस लेखेको पछि थप चर्चा चुलिएको हो।
ज्योतिले एक चर्चित गायिकाले हिंसा सहेको आशयको पोस्ट गरेकी थिइन् तर केही छिनमै डिलेट गरिन् ।बिहीबार मात्र केही मिडियाले एलिना चौहानको डिर्भोसको चर्चा गर्दै समाचार प्रकाशन गरेका थिए । यसले झनै ‘सम्बन्ध विच्छेद’बारेको चर्चालाई बल मिलेको छ । यसबारे जवाफ दिँदै एलिनाले आफूले अहिले यसबारे केही नबोल्ने बताइन् ।
‘यी कुराले मलाई एकदम टर्चर महसुस भइरहेको छ । एयरपोर्ट जाँदा होस् र सार्वजनिक ठाउँमा पनि मलाई यस्तै प्रश्न सोधिन्छन् । पब्लिक फिगर भएपछि यी कुरा झेल्नुपर्ने रहेछ,’ उनले भनिन् । ‘यसबारे म अहिले केही बोल्दिन । म एकदम तनावमा छु,’ उनले भनिन् । मिडियाले पनि लगातार आफ्नो निजी जीवनबारे समाचार बनाएकोमा उनी असन्तुष्ट छिन । अहिले श्रीमान अस्ट्रेलियामा र आफू नेपालमा रहेको उनले बताइन् ।
COMMENT
.