काठमाडौं – ग्रेटर नेपालका अभियान्ता फनिन्द्र नेपाल फेरि पक्राउ परेका छन् । नेपालको गुमेको भूमि फिर्ता पाउनु पर्ने भन्दै संयुक्त राष्ट्रसँघ सम्म आवाज उठउने फनिन्द्र नेपाललाई प्रहरीले लछारपछार गर्दै सिंहदरबार अगाडीबाट पक्राउ गरेको हो ।
उनी नेपाली भूमि लिपुलेक हुँदै मानसरोवर जाने मार्गबारे भारतचीन सहमतिविरुद्ध सिंह दरबार अगाडी धर्ना बसिरहेका थिए । सोमबार मध्यान्हदेखि सिंहदरबारको दक्षिण ढोकामा धर्ना दिएका उनलाई निषेधित क्षेत्रमा प्रदर्शन गरेको आरोपमा प्रहरीले धरपकडसहित पक्राउ गरेको हो । पक्राउ परेका उनलाई महानगरीय प्रहरी बृत्त सिंहदरबारमा राखिएको छ ।
उनी लिपुलेकको नेपाली सार्वभौमसत्तामाथि भारतीय ज्यादतिविरुद्ध भन्दै धर्ना बसेका थिए ।चीन र भारतले मानसरोवर जाने मार्गका रुपमा लिपुलेक प्रयोग गर्ने सहमति नेपाल मौन बसेको भन्दै नेपालले विरोध गर्दै आएका छन् ।नेपाल सरकारले पनि गैरजिम्मेवार अभिव्यक्ति दिएर झन् झन् मौन बसेकोमा उनले आपत्ति जनाएका थिए ।
उनले यस प्रकरणमा मौन बसेमा नेपाली भूमिको रक्षा गर्न थप असमर्थ हुने बताएका छन् ।सरकारलाई राष्ट्रियताका पक्षमा बोल्न बाध्य पार्न नागरिक तहबाट सरकारको विरोधका लागि उनले धर्नामा बसेको बताएका थिए । उनी ग्रेटर नेपाल राष्ट्रवादी मोर्चाको तर्फबाट सोमबार मध्यान्ह १२ बजेदेखि ४ बजेसम्मलाई धर्ना बस्न पुगेका थिए । तर प्रहरीले तत्कालै पक्राउ गरेर लगेको हो ।
COMMENT
.