काटमाठौं,। भदौ २३ र २४ गतेको जेनजी आन्दोलनको बलमा दुईतिहाइको सरकारबाट अकास्मत बाहिरिएका नेकपा एमालेका अध्यक्ष केपी शर्मा ओली करिब ११ दिन नेपाली सेनाको ब्यारेकमा बसे।११ दिन सेनाको ब्यारेकमा बसेका ओलीलाई भक्तपुरको गुण्डुमा उतार्ने काम पोलिटब्युरो सदस्य महेश बस्नेतले गरे ।ओलीका लागि ढाल बनेर उभिएका उनै बस्नेतले अहिले एमालेको एघारौँ महाधिवेशनमा पार्टी सचिव पदको टिकट पाएका छन् ।

उनलाई ओलीले आफ्नो रक्षाकवच बनेको पुरस्कारस्वरुप सचिव पदको टिकट दिएका हुन् ।बस्नेतले एमालेको दसौँ महाधिवेशनमा पोलिटब्युरो सदस्यमा चुनाव जितेका थिए। उनी ओली गुण्डु उत्रिएपछि युवाहरू खटाएर सुरक्षामा तैनाथ हुन्थे । अर कोही नेता बोल्न नसकेका बेला सार्वजनिक रुपमा ओलिको पक्षमा बोलेका उनले युवाहरू पनि सडकमा उतारे ।जेन–जी आन्दोलनपछि ओलीको राजनीतिक र सुरक्षात्मक पक्षमा सक्रिय भूमिका खेलेका बस्नेतलाई अहिले त्यसकै ‘गुन तिरेर’ रूपमा सचिव पदको टिकट दिइएको हो ।जेन–जी आन्दोलन चर्किएपछि सत्ता संकटमा परेका ओलीलाई बस्नेतले भक्तपुरको गुण्डु पुर्‍याएर सुरक्षित बसोबासको व्यवस्था मिलाएका थिए।

आन्दोलन थेग्न नसकी भदौ २४ गते प्रधानमन्त्री पदबाट राजीनामा दिएर ओली हेलिकप्टर चढ्दै मकवानपुर पुगेका थिए ।ओलीको सुरक्षाको सम्पूर्ण जिम्मेवारी बस्नेतले सम्हाले । अब गुण्डुमै ओलीका लागि कुटी निर्माणसमेत बस्नेतले थालिसकेका छन् । एमालेको ११ औँ महाधिवेशनअन्तर्गत नयाँ नेतृत्व चयनका लागि बुधबार निर्वाचन हुँदैछ।