हमासको नियन्त्रणमा रहेका जीवितको नयाँ सूची सार्वजनिक, विपिन पनि समावेश

एच.टि.सी. मिडिया

समाचार

२६ असोज २०८२, आइतवार

काठमाडौं,। हमासको नियन्त्रणमा रहका नेपाली नागरिक विपिन जोशीबारे खुसीको खबर सार्वजनिक भएको छ । यसअघि सार्वजनिक जीवितहरुको सूचीमा नभएका विपिनबारे इजरायलले खुसीको संकेत दिएको हो । इजरायलमा रहेका जिवित बन्दकहरुको नयाँ सूचीमा नेपालका विपिनको पनि नाम राखिएको छ ।

हमास र इजरायलबिचको युद्धविराम योजनाको पहिलो चरणअन्तर्गत सोमबार बन्धक रिहा गरिने छ । यसअघि विपिनसहित २ जनाको अवस्था अज्ञात रहेको समाचार सीएनएनले प्रकाशित गरेको थियो। तर अहिले टाइम्स अफ इजरायल, एपीसहित सञ्चारमाध्यमले जारी गरेको २२ जना जीवितको सूचीमा विपिन पनि रहेको उल्लेख गरेका हुन् । शुक्रबार भएको युद्धविरामसँगै सोमबारदेखि मंगलबारसम्म बन्धक रिहा हुने अपेक्षा छ। इजरायलले दुई हजार प्यालेस्टिनी कैदी रिहा गर्ने तयारी गरेको छ। जीवित ठानिएका २२ बन्धकमध्ये जोशी फिर्ता आउने अपेक्षामा देश छ।