नायिका स्वस्तिमा खड्का शीर्ष भूमिकामा रहेको फिल्म ‘लालीबजार’ प्रदर्शनको २१ औँ दिनमा पनि उच्च संख्यामा दर्शक तान्न सफल भएको छ। बिहीबारको इद सार्वजनिक बिदामा फिल्मले विशेष रूपमा राम्रो प्रदर्शन गरेको हो।
तेस्रो सातासम्म आइपुग्दा पनि फिल्मका दर्जनभन्दा बढी शोहरू हाउसफुल भएको देखिएको छ, जुन लामो समयपछि पनि कुनै फिल्मले बलियो दर्शक समर्थन पाउनु सकारात्मक संकेतका रूपमा लिइन्छ।
सुरुवाती चरणमा कानुनी जटिलताका कारण व्यापारिक अनिश्चिततामा परेको भए पनि पछिल्ला दिनमा सकारात्मक वर्ड अफ माउथका कारण फिल्मको अकुपेन्सी उल्लेखनीय रूपमा बढेको छ।
फिल्मले आगामी लगातार सार्वजनिक बिदाहरूलाई राम्रोसँग उपयोग गर्न सकेमा कुल व्यापार १० करोड रुपैयाँसम्म पुग्न सक्ने अनुमान गरिएको छ। वैशाख २५ देखि जेठ ९ सम्मको अवधिमा फिल्मले करिब १ करोड रुपैयाँ हाराहारी व्यापार गरेको बताइएको छ।
लामो समयसम्म हलमा दर्शकको उपस्थिति कायम रहनु ‘लालीबजार’का लागि सफल प्रदर्शनको संकेतका रूपमा हेरिएको छ।
(0)
टिप्पणी गर्न लगइन गर्नुहोस्