काठमाडौं।। सरकारले सर्वसाधारणलाई मूल्य अभिवृद्धि कर ९भ्याट० र स्थायी लेखा नम्बर ९प्यान० मा आबद्ध व्यवसायीबाट सामान वा सेवा लिँदा अनिवार्य रूपमा सक्कली बिल लिन प्रोत्साहित गर्न नयाँ पुरस्कार योजना सार्वजनिक गरेको छ। ‘सक्कली बिल लिनुहोस्, लखपति बन्नुहोस्’ नारासहित बजेटमा घोषणा गरिएको कार्यक्रमलाई सरकारले कार्यान्वयनमा ल्याउन लागेको हो।
यस योजनाअन्तर्गत अब दैनिक एक जना सर्वसाधारणले १ लाख पुरस्कार प्राप्त गर्नेछन् भने महिनामा दुई जना भाग्यशाली विजेताले बम्पर उपहारस्वरूप १०र१० लाख प्राप्त गर्नेछन्। १०० रुपैयाँभन्दा बढीको सामान खरीद गर्दा वा होटल, रेस्टुरेन्ट लगायतमा भुक्तानी गर्दा प्राप्त हुने अनलाइन वा नगद भुक्तानीको सक्कली बिल नम्बरका आधारमा विजेता छनोट गरिनेछ।
हाललाई हरेक महिनाको १६ गते र मसान्त ९पाक्षिक रूपमा० पुरस्कार घोषणा गरिने व्यवस्था मिलाइएको छ। यस कार्यक्रमको विस्तृत सञ्चालन तथा छनोट प्रक्रियासम्बन्धी कानूनी व्यवस्थाका लागि सरकारले अलग्गै कार्यविधि समेत तयार पारेको छ।
(0)
टिप्पणी गर्न लगइन गर्नुहोस्