काठमाडौं । नेपाल राष्ट्र बैंकले सार्वजनिक गरेको तथ्याङ्क अनुसार यस आर्थिक वर्षमा नेपालमा भित्रिएको विप्रेषण (रेमिट्यान्स) रकम १२ खर्ब रुपैयाँ नाघेको छ।

यो अघिल्लो वर्षको तुलनामा १५ प्रतिशत बढी हो। मलेसिया, खाडी मुलुकहरू र दक्षिण कोरियाबाट सबैभन्दा बढी रेमिट्यान्स आएको छ।

राष्ट्र बैंकका गभर्नरले भने, "रेमिट्यान्स नेपालको अर्थतन्त्रको मेरुदण्ड बनिसकेको छ। यो वृद्धि उत्साहजनक छ।"