एजेन्सी – पाकिस्तानी सांसदले भारतमा न्यूक्लियर बम प्रहार गर्ने धम्की दिएका छन् । पाकिस्तानी सांसद अब्दुल कादिर पटेलले भारतले आक्रमण गरे पाकिस्तानले न्यूक्लियर बम प्रहार गर्नका लागि एक सेकेन्ड पनि नसोच्ने धम्की दिएका हुन् ।

उनले आफूहरुले विवाहमा पट्काउनका लागि नभइ यस्तै युद्धमा प्रयोग गर्न न्यूक्लियर बम बनाएको बताएका छन् । न्यूक्लियर बमको ट्रिगर दबाउनेमा एक सेकेन्ड पनि ढिला नगर्ने पाकिस्तानी सांसदको अभिव्यक्तिले भारतमा हंगामा मच्चाएको छ । यता पाकिस्तानका रक्षा मन्त्रीले पनि भारतले परमाणू युद्धलाई निम्तो दिइरहेको प्रतिक्रिया दिएका छन् ।

यस्तै भारतले पनि सिमानाकामा सैनिक चहलपहल बढाइरहेको छ । भारतले आफ्ना नागरिकलाई पछिल्लो ५४ वर्ष पछि पहिलो पटक युद्ध सुरक्षा तालिम दिन सुरु गरेको छ । यसविषयमा यूएन महासचिव एन्टिनो गुटरेसले चिन्ता व्यक्त गरेका छन् ।

उनले भारत र पाकिस्तानलाई वार्ता र संवादमार्फत समाधान खोज्न आग्रह गरेका छन् । सैनिक भिडन्त नै अन्तिम समाधान नभएको भन्दै उनले वार्ताबाट समाधान खोज्न आग्रह गरेका हुन् । भारतको कश्मीरमा भएको आतकवादी हमलापछि दुवै देशबीचको तनाव उच्च बिन्दू पुगेको छ ।