काठमाडौं – रवि लामिछानेको सहकारी सम्बन्धी मुद्दामा उनी पक्षका वकिलहरूले बहस सिद्ध्याएका छन् । मंगलबार ८ वकिल र सोमबार ३ जना गरी ११ वकिलले रविको पक्षमा बहस गरे ।

मंगलबार वरिष्ठ अधिवक्ता राजेन्द्र सेढाईं, डा नारायण घिमिरे, अधिवक्ताहरू सुरज बस्नेत, सञ्जय गोले, सुनिता रावत, डा नारायण कँडेल, सुदीप पन्त र रोहितराज बास्तोलाले बहस गरेका हुन् । बहसमा रवि पक्षका वलिकहरुले सरकराले खराब नियत राखेर मुद्धा दायर गरेको आरोप लगाएका छन् ।

खातामा आएको रकमबारे स्पष्टीकरण दिने मौका नदिएर सम्पत्ति शुद्धीकरणको मुद्धा लगाइएको रविका वकिलहरुले बताएका छन् । उनीहरुले सरकार गलत मनसाय लिएर अदालतमा उपस्थित भएको भन्दै आलोचना गरे । गोर्खा मिडियासँग गरेको सम्झौता बमोजिम रवि लामिछानेको भूमिका रहेकाले सहकारीमा जबाफदेहिता नरहने उनीहरुको दाबी छ ।

रविका वकिलले कुनै पनि अपराधमा लामिछानेको संलग्नता नरहेकाले रिहा गर्नुपर्ने माग समेत राखेका थिए । लामिछाने पक्राउ परेका कारण सारा नेपालीमा निरुत्साहन बढेको भन्दै विदेशमा भएका कोही पनि नेपाल नआउन अपिल गर्ने तर्क समेत रविका वकिलहरुले गरेका छन् ।